Gerald Gilles gen yon mercedes tou nèf sektè prive a ba li, pou li travay pou yo.-

Entoksikasyon/mantò: se yon manti pou detwi karyè politik Dr. Gerald Gilles, epi krache sou profesyon li kòm Dòktè onèt, li te toujou reprezante nan Sosyete a

Depi mèkredi Jounalis vedèt Radio Caraïbes, Jhonny Ferdinand ap pale de yon konseye sektè privé a gentan bay machin modèle Mèsedès -li nan tout reyinyon ou tava di jan Jounalis la eksplike sa a, san li pat site nom; Gerald Gilles ta yon demachè pou sektè prive a.

Ebyen moun ki bay Jhonny. F enfòmasyon endwi li nan yo gwo erè, Sètènman, se chèf yon lòt konseye ki bay enfòmasyon an pou kraze Gilles pou voye konseye pa li a monte oubyen élimine Gilles kap gen pou pou pase échap nan kou nouvo prezidan kap soti nan eleksyon 2025 la, (denye men prezidans la se pou Gilles). Olye diskredite konseye Gilles nan mikro; nou ta sipoze rele li nan telefòn, mandel pou li bay eksplikasyon, menm TT te ka fèl tou paske lè yo te kidnappe Gilles la, li di: se gras ak emisyon TT a, li te jwen liberasyon li.

Mèsedès la se yon machin prete li ye, e se pa sèlman Gérald Gilles ki gen machin prete nan men li kòm konseye. Mwen menm Blaise Robelto, Mwen konnen moun ki fè demach pou Gilles te jwen machin sa prete a. Sispann ak move kanpay sa yo. Alò sektè prive a tap kite Laurent St-Cyr, milat parey yo ki reprezante yo nan konsey la pou bay Mèsedès, konya se vye Gilles ki ta gentan resevwa gwosè kado sa? Tèlman Gilles egare; yo tap bal yon machin epi li gentan ap fè wè?

Mwen tap swete pito, nou bay enfòmasyon sou 15 mini senatè/ Depite (OCAG/OKAG) ke pèson pa konnen nan ki sèktè yo soti, ki dirijan politik ki bay yo elatriye…

Olye gwo jounalis tankou nou ap bay enfòmasyon tankou se nan baz kleren nou te ye: balanse yon enfòmasyon tèlman grav, epi kite oditè yo nan flou; li sanble ak bòz e li pa lòt bagay.

Medya pa yon jwèt mesye dam; gen yon mas kritik kap tande nou; nou dwe fèl serye. E pou nou rekipere respè devan oditè nou yo; nou dwe non sèlman rele Gilles pou fèl eskiz, epi fè menm bagay la nan mikwo tou.

À propos de l’auteur

BLAISE Robelto Flanky

Blaise Robelto Flanky est journaliste, rédacteur en chef et PDG de LakayInfo. Formé en rhétorique et communication persuasive à Harvard University, en relations internationales au CEDI, ainsi qu’en psychologie à l’UFCH, il s’intéresse particulièrement aux questions politiques, géopolitiques et sociétales. À travers Lakay Info, il œuvre à promouvoir une information rigoureuse, indépendante et accessible.

Contact : [blaiserobelto.f@gmail.com](mailto:blaiserobelto.f@gmail.com)

See author's posts