BLAISE KIJANW YE, KI POZISYON W SOU VINI AJAN ONU YO YON LÒT FWA ANKÒ NAN PEYI A?

3 min de lecture

4 ans il y a BLAISE Robelto Flanky

1993-1996 MINUHA 1996-1997 MANUH 1997 MITNUH 1997-2000 MITPONUH 2004-2017 MINUSTHA

Monchè map diw kareman: peyi a pa lakou manmanm ak papam kite pou mwen, gen yon ansanm de kondisyon kifè yon peyi-peyi e si Ayiti ekatel de dwa entènasyonal yo; sa ap vle di sa li vle di a. Si yon polisyen pa dakò li ka al manifeste devan anbasad yo epi li ka kriye nan radio pou sitiyasyon moun ap viv nan peyi konfòtab konsa pèp la va konprann yo.

Mwen poko ka pozisyone mwen pandan yo poko vini e konnen si misyon yap vinn fè ap aplike, mwen pa nan voye monte politik map tann yo vini avan.

Gen 2 bagay ou dwe konnen avan tout bagay mwen pral diw la yo:

1) OKIPASYON 2) ENTÈVANSYON

a) Okipasyon se yon peyi ki anvayi pa lame yon gwo pisans militè plase ti peyi sa sou dominasyon militè san gwo peyi sa pa fè ti peyi a tounen yon eta ki fè pati de gwo peyi sa. Egzanp okipasyon ameriken sou Ayiti nan ane 1915

b) ENTÈVANSYON ou IMANITÈ se sèl rekou posib selon ONU nan konpfli nan yon peyi.

Ayiti se manb fondatè ONU depi 1945 e nan ane 1948 Ayiti te jwe gwo wòl kle ak Senatè Emile Saint-Lot kòm Aysyen kite nan komite redaksyon (Declaration Universelle des Droits de l’Homme (DUDH). Ki donk Ayiti adere ak chat ONU an, Ayiti pa fè pati de 10 payi ki pa rekonèt ofisyèlman nan mond la.

MINUSTHA pa dwe tounnen nan peyi a ankò, blan sa yo pap vinn vole kabrit nou ankò non BLAISE

Non zamim se pa minustha kap vini ankò, se pa premye fwa pral gen yon misyon ONU ki pral vini e yo pa janm gen menm misyon an kitem diw:

1993-1996 MINUHA
1996-1997 MANUH
1997 MITNUH
1997-2000 MITPONUH
2004-2017 MINUSTHA

Sakap vini an ap gen yon lòt non.

Entabilite politik peyi-a se kòz entènasyonal la epi kominezon politisyen, sektè prive ak bandi depi ane 90 yo ki degringole jiskaske polis nou an vinn parèt enpwisan. Polisye ap touche lajan nan men bandi, polisye antènn bandi, polisye ap bay bandi sekirite, polisye nan kidnapping, polisye nan konplo asasinay prezidan; ki vinn fè entènasyonal la vinn pafè polis nou an konfyans menm jan ak anpil nan nou ki doute anpil de enstitisyon an.

Poum reponnou fanmi; se atik 51 nan chat ONU nan ki di nan ki okazyon ONU ka entèvni nan peyi ki manb li yo. Mwen ka toujou genyen Yon opinyon kontrè ak desizyon gouvènman an pran pou mande sekou anba gang yo si Ayiti pat manb ONU, si nou pavle Ayiti rekonèt ankò kom peyi Ofisyèlman. Men pwiske depi kèk ane peyi a bloke nan tout sans nèt pa janm gen Eleksyon e tout moun diw pagen sekirite yo pap ale nan Eleksyon e faktè koz yo se ensekirite ebyen se devwa ONU pou li entèvni nan yon peyi si gouvenman peyi mandel vini e konsey sekirite a ou yon manb nan konsey sekirite ONU yo ka mande pou bwa ame ONU an entèvni selon nivo degradasyon sitiyasyon yon peyi.pou Ayiti sonje se laChine ki plis ap mande pou ONU aji vit.

ANN PRAN RESPONSABILITE NOU, ANN SISPANN BAY BLAN POTE CHAY, PANDAN NAP LAVE TÈT NOU DEVAN TI PÈP LA NOU PANSE KI PAGEN GWO KONPRANN.

Blaise Robelto Flanky

À propos de l’auteur

BLAISE Robelto Flanky

Blaise Robelto Flanky est journaliste, rédacteur en chef et PDG de LakayInfo. Formé en rhétorique et communication persuasive à Harvard University, en relations internationales au CEDI, ainsi qu’en psychologie à l’UFCH, il s’intéresse particulièrement aux questions politiques, géopolitiques et sociétales. À travers Lakay Info, il œuvre à promouvoir une information rigoureuse, indépendante et accessible.

Contact : [blaiserobelto.f@gmail.com](mailto:blaiserobelto.f@gmail.com)

See author's posts