27 mai 2024

Konplo pi rèd pase wanga: Laurent Lamothe Jovenel Moïse Kiyès nan yo ki pote chaj Michel Martelly.-

4 min read
Li enpòtan pou tout Ayisyen tande, evalye, ak analize sijè sa yo nan yon fason objektif, epi pou yo sòti ak yon konklizyon ki sòti nan analiz byen detaye ak prèv konkrè San fòs kote.

Nan okazyon odisyon Michel Martelly Nan kad asasina ki te fèt sou ansyen prezidan Jovenel Moïse nan dat 7 jiyè 2021, Ayiti rantre nan yon periòd kareman difisil pou konprann konpòtman elit nou yo. Nou konstate rayisman kite gen kont Michel Martelly bese yo telman bese yo menm sanble disparèt. Nou konstate gen kèk medya ki transfere tout sa ki pa bon kaziman sou 2 moun Laurent Lamothe ak André Michel menm si kontèks yo diferan. Nan rete fokis sou Lamothe pwiske se sou dosye li nou panche nan analiz sa.

Nou poze anpil kesyon e nou rive konprann: Nan yon peyi kote konplo ka fè satan tounen Jezi, Jezi tounen satan; sa ki vinn kite yon fenèt ouvri pou kritike chak aksyon, chak deklarasyon, chak pozisyon, chak rapò… pou konnen eske yo pa oryante oubyen non; pou yon enterè byen patikilye… Nan atik sa a, nou pral gade nan yon moman kritik nan karyè ansyen premye minis Ayiti Laurent Lamothe epi nan posiblite ke li te viktim nan yon konplo politik, ekonomik, ak medyatik ki ka gen twa nivo.

Kiyès Laurent Lamothe ye ?

San rantre nan twòp detay: Ansyen PM Laurent Lamothe se yon figi enpòtan nan peyizaj politik Ayisyen an, nap mande eske li pa’t nan kabinè kòm konseye ansyen prezidan Jovenel Moïse. Nan epòk Lamothe te premye minis li te jwe yon wòl enpòtan nan devlòpman ekonomik nan peyi a ak reprezantan Ayiti nan nivo entènasyonal la, ou te santi te gen rantre soti nan peyi a menm si program (ede pèp, ti manman cheri, kore etidyan, katye pam poze…) ou santi te gen kèk bagay ki tap bouje gouvèman sa malgré tout kritik nou te ka fè; yo te fè Ayiti ap soti tèt li sitou nan domèn touristik la. Pandan mandat li nan gouvènman an, li te travay pou amelyore sektè ekonomik nan peyi a epi te devlope plizyè pwogram yo kapab avantaje pèp la, ankò yon fwa ki pat 100/100 kòrèk.

Sou zafè sekirite sitiyasyon yo pral chanje tou swit aprè Laurent Lamothe te fè mare Cliford Brant pou kesyon kidnapping , jis kaske Kiko Saint-Rémy ki se gwo machann zangi te pran tèt manifestasyon pou mande pou Laurent Lamothe bay talon li blanch nan tèt primati.

Konplo 2017: Yon Lòt Kote nan Istwa Lamothe

Nan tan pandemi 2017 la, Laurent Lamothe te konfronte ak yon seri akizasyon ki te vize sal imaj li. Li te akize pou divès zak koripsyon pandan li te nan tèt gouvèman Martelly-Lamothe la, men akòz mank prèv konkrè, akizasyon yo te pase san swit. Pa bliye: apre Michel Martelly te ranplase Laurent Lamothe; nan epòk sa popilasyon an te konsidere ranplase Laurent Lamothe, sete yon mechanste pou sa kantite bagay Lamothe ap reyalize Martelly konsidere Lamothe tankou yon advèsè ke li dwe elimine Paske popilasyon an ak medya a yo sete selman de Lamothe yo tap pale, ki donk li te bare Martelly. epi gen moun ki te wè li tankou yon viktim nan jwèt politik sa Mafya Politik, Ekonomik, ak Medyatik yo fè kont li. Konplisite politik ak tentativ yo sali imaj Lamothe pou sa li te reprezante nan peyizaj politik la.

Nou pa ka bliye fè koneksyon ant politik, ekonomi, ak medya nan kontèks Ayiti. Nan peyi sa a, medya ak jounalis yo gen yon gwo pouvwa, yo fè anpil byen, e lè ou pa bèl nan ge yo; yo ka afekte opinyon piblik la pou leve kont ou, menm jan ou wè medya isit ap boykote André Michel, fèmen mikwo yo pou li aloske se pa misyon jounalis la sa.

Kesyon n ap poze si Laurent Lamothe viktim nan yon konplo politik, ekonomik, ak medyatik yon konplo ki kapab gen twa nivo se yon kesyon ki mande pou yon analiz sipòte ak prèv. Nan seri atik rechèch sa nou pral gen pou pibliye sou pase Laurent Lamothe, nou pral chèche fouye pou nou jwen dokiman pou nou eseye konpare yo. Li enpòtan pou tout Ayisyen tande, evalye, ak analize sijè sa yo nan yon fason objektif, epi pou yo sòti ak yon konklizyon ki sòti nan analiz byen detaye ak prèv konkrè San fòs kote.

Atik sa a pibliye nan yon kontèks ki oblije nou ekri San patipri pou ki konk. Paske aktè politik nan peyi sa toujou gen yon lòt ki vle detwi karyè politik ou sitou nou nan yon epòk moun ki fè plis bri a se li ki gen rezon nan je popilasyon an. Piblikasyon sa, se yon apèl pou refleksyon, diskisyon, ak analiz pou ka konprann plis sou dinamik politik nan peyi a.

Laisser un commentaire

Votre adresse e-mail ne sera pas publiée. Les champs obligatoires sont indiqués avec *

Copyright © 2023 LakayInfo. Tous droits réservés. Contact : lakayinfo47@gmail.com WhatsApp : +509 36.67.32.49 | Newsphere by AF themes.

En savoir plus sur

Abonnez-vous pour poursuivre la lecture et avoir accès à l’ensemble des archives.

Continue reading