Ayiti-Politik Konbit Sitwayen Ayisyen Oganize ekri Depite yo pou yo raple yo ke pap nan rans ak yo si yo pa voto favorab nan seyans miz an akisazyon ki gen pou fè mèkredi 7 Dawou k’ap vini la.- Me lèt la.
3 min de lecture
Pòtoprens, jou ki lendi 5 Dawou 2019 la
Mèkredi k’ap 7 Dawou a se pra’l yon jou k’ap diferan de tout lòt jou yo nan zafè politik peyi d’Ayiti, pliske jan tout pèp la te swete a tout Depite nan palman an pral fas ak responsablite yo. Jodia n’ap viv yon moman kote se premye fwa nou wè Ayiti rive nan eta lamantab sa a. Prezidan Jovenel akize pou blanchiman, li akize pou vòl, ak gaspiyay nan lajan Petrokaribe a, sa ke nou pat janm panse. Li akize pou izaj fo pliske li fè nou kwè nan yon premye tan ke li se agwonòm, aprèsa li vin di ke’l se enjenyè.
Pi gwo krim nan, Jovenel Moise fè teworis rantre nan peyi a pou vin tire sou pwòp pèp li. N’ap di Depite yo nou menm KOSAO, jou k’ap 7 dawout se yon batay n’ap siveye byen pre pliske Jovenel Moise ranpli tout kondisyon pou l’al nan prizon.
Si nou panse se politik nou pral fè, se machandaj nou pral fè ak dosye miz an akizasyon an, se pral byen konte mal kalkile. Se sa’k fè nou menm nan KOSAO, jou k’ap 7 Dawou la, n’ap kòmanse mobilizasyon an nan 3zyèm sikonskripsyon an pou nou desann devan Palman an.
Moun Kafou, Fontamara, Leogan ap monte vin jwen’n nou. Petyonvil, Solèy, Dèlma, Taba, Lasalin, Tokyo, Dèlma 2, Kwadèboukè, tout katye popilè yo ap rejwen’n nou devan Palman an pou n’al bay Senatè Youri Latortue sipò nou.
Mesye, jwèt pou nou, paske pèp la ap devan palman an.
Mèsi
Musset Enelus Riché Enelus Sonel André
Kòdonatè Sekretè Kòdonatè adj
LAKAYINFO
À propos de l’auteur
