Yon jèn gason nan vil Gonayiv voye yon lèt tou louvri bay Mèt André Michel, li temwanye epi renonse ak manipilasyon medyatik melanje ak politisyen kite fè li rayi Avoka pèp la.-

LAKAYINFO ap pèmèt ou pran konesans de kontni lèt sa:

Mèt Andrè Michel
Pòt pawòl SDP
Sou rezo yo.-

Objè: Temwanyaj e renonsiyasyon.
Mèt André Michel,

Gonayiv, 2 Desanm 2022

Mwen ekri’w ak tout senserite pou’m di’w ke mwen se moun ki te gen pozisyon kont ou
e ki te rayi’w anpil paske mwen te pran nan manipilasyon laprès ak ansanm politisyen.

Men aprè mwen fin aprann peyi kanada ak Etazini pran sanksyon kont yon ekip
politisyen ki ap e ki tap dirije peyi a paske yo nan finanse gang, trafik zam, dwòg ak
blanchiman lajan alòske anpil moun nan peyi a te vote majorite nan yo pou garanti
sekirite nan peyi a, nan sans sa mwen deside soti nan inyorans mwen te ye a.

Mwen kapab toujou gen diferan politik avè’w, men kwè se kè’m kap pale, mwen pa rayi’w
ankò. Mwen pa ekri’w pou’m di ou se yon moun ki pafè, ki san tàch, men mwen jis
estime ke mwen pat gen dwa rayi’w nan nivo sa san mwen pat gen okenn rezon valab.

Mwen swete’w kouraj paske bouwo yo vle mete sou do’w tout mal yo fè peyi a.
Map fini pou’m mande’w, Mèt André Michel, itilize devouman ou te genyen lè’w te
opozan pou ekzije gouvènman wap sipòte a travay pou bay pèp la sekirite.

Jhonson SANON
Memoran nan dwa